Dita e Tokës, që këtë vit vjen nën temën “Planeti kundër plastikës”, i gjen të gjitha bashkitë të angazhuara në Planin e Pastrimit Kombëtar.

Kryeministri Edi Rama ndau sot në rrjetet sociale momente nga aksioni i pastrimit në Korçë, Durrës, Cërrik, Maliq, Belsh, Pustec, Pogradec, Sarandë, Laç, Kamzë dhe Patos.

Rama theksoi se “ky aksion vazhdon çdo ditë në luftë me pisllëkun dhe nevojën e ethshme për të ndryshuar mentalitetin që të kuptojmë se hapësira publike është shtëpia jonë e përbashkët”.

“Ne kemi përgjegjësinë patriotike që me veprime të përditshme të kujdesemi për pastërtinë e çdo cepi të Shqipërisë sonë”, u shpreh Kryeministri.

Plani Kombëtar i Pastrimit rrënjësor të Shqipërisë nisi më 7 nëntor 2021 në Vlorë dhe vijon në të gjithë vendin.

Në përgatitje të sezonit turistik veror, aksionet e pastrimit po bëhen edhe më intensive duke u fokusuar jo vetëm në zonën bregdetare, por edhe përgjatë akseve nacionale.