Ksamili, i vendosur në një gadishull të ngushtë të kufizuar nga deti Jon dhe liqeni i Butrintit, i cilësuar nga shumë medie ndërkombëtare si “Maldivet e Europës”, është gati për sezonin e ri turistik.

Kryeministri Edi Rama ndan sot pamje mbi Ksamil ku deti dhe ishujt luajnë mes nuancave të bruzit, jeshiles e blusë së thellë, gati për një sezon fantastik veror e për të pritur pushues nga gjithë bota.

I gjendur në skajin më jugor të vijës bregdetare të vendit, me afërsinë që ka me Butrintin, Sarandën dhe Gjirokastrën, Ksamili po bëhet pikë referimi për çdo operator turistik, turist vendas a i huaj.

Në vitin 2022 Ksamili u rendit si vendi i dytë më i kërkuar për pushime në AirBnB në mbarë botën.