Presidenti i Republikës, Bajram Begaj, uroi Violetta Berishën për zgjedhjen si kryetare e Bashkisë së Fairview, në New Jersey.

Begaj e konsideroi këtë një moment historik edhe për komunitetin shqiptar në SHBA.

Presidenti vlerësoi se suksesi i saj si gruaja e parë shqiptare që merr një detyrë të tillë është një model frymëzimi dhe krenarie.

“Urime Violetta Berisha për betimin si Kryetare e Bashkisë së Fairview, New Jersey.

Ky është një moment historik jo vetëm për të, por edhe për komunitetin shqiptar në SHBA.

Suksesi i saj si gruaja e parë shqiptare që merr një detyrë të tillë është një model frymëzimi dhe krenarie”, shkruan Kreu i Shtetit në mesazhin e urimit.