Shqipëria dënon sulmin e pajustifikuar të Rusisë në adresë të Ukrainës, duke shkaktuar edhe viktima.

Ministri për Evropën dhe Punët e Jashtme Igli Hasani, përmes rrjeteve sociale ka reaguar për sulmin e ndodhur këtë të premte në Ukrainë.

“Sot Ukraina u përball me sulmin më të ashpër ajror nga Rusia deri më tani. Raketat dhe dronët e panumërt shënjestruan pamëshirshëm infrastrukturën civile, duke shkaktuar shkatërrime të parikuperueshme dhe humbje tragjike të jetëve të pafajshme”, shkruan Hasani.

“Shqipëria dënon ashpër këto sulme të pakuptimta dhe të pajustifikuara nga Rusia”, përfundon Hasani.

Disa qytete të Ukrainës u goditën nga sulmet ruse, duke përfshirë Kharkiv (verilindje), Lviv (perëndim) dhe Odessa (në jug).