Kryeministri Edi Rama takoi sot në Itali themeluesin e Space X dhe pronarin e rrjetit social X, Elon Musk.

“Me Mister X në Romë”, shkroi Rama në rrjetet sociale, teksa ndau pamje nga takimi me Elon Musk.

Në bisedën e tij me kryeministrin Rama, Elon Musk u shpreh se do t’i pëlqente të vinte në Shqipëri.

Kreu i qeverisë u përgjigj se, “eja, ka shumë për të parë dhe bërë në Shqipëri, po mbi të gjitha e sigurt që s’do pendohesh”.

Rama ndodhet sot në Romë me ftesë të kryeministres Giorgia Meloni, ku po merr pjesë në ditët e politikës, kulturës, debatit në Atreju 2023.

Rama zhvilloi edhe një bashkëbisedim me gazetarët Maurizio Belpietro, drejtor i “La Verità” dhe Andrea Malaguti, drejtor i “La Stampa”.

Në bashkëbisedim Rama u shpreh se marrëveshja me Italinë për emigrantët është e natyrshme dhe se nuk ka asgjë jo kushtetuese.