Bujtina Gjana ndodhet në fshatin Ujmisht, të krahinës së Lumës.

Është 22 km larg nga qyteti i Kukësit, në rrugën e rikonstruktuar dhe asfaltuar pak vite më parë, që lidh Kukësin me Dibrën.

Gjendet në lartësinë rreth 700 m mbi nivelin e detit dhe prej aty ka një sheshpamje të gjerë, prej nga duken Lartësitë e Lurës, malet që rrethojnë Gjallicën dhe Bjeshkët e malet që afrojnë me Korabin. Ujmishti është pjesë e Bajrakut të Tejdrinës, një ndër shtatë Bajraqet e Lumës, sot pjesë e organizimit administrativ të Bashkisë Kukës.

Ujmishti njihet në historikun e Lumës për traditën vendase, për pjesëmarrjen në betejat për të qenë e lirë si trevë prej nga kanë dalë ndër shekuj burra të njohur, që nga Mahmut Pashë Rrotulla, deri tek nacionalisti Muharrem Bajraktari. /BusinessMag