Hoxha telefonatë me homologun boshnjak: Bashkëpunim dhe mbështetje për stabilitetin rajonal

Ministri për Evropën dhe Punët e Jashtme, Ferit Hoxha zhvilloi një bisedë të parë telefonike me ministrin e Punëve të Jashtme të Bosnjë dhe Hercegovinës, Elmedin Konaković, duke e cilësuar atë miqësore dhe produktive.


Ministri për Evropën dhe Punët e Jashtme, Ferit Hoxha zhvilloi një bisedë të parë telefonike me ministrin e Punëve të Jashtme të Bosnjë dhe Hercegovinës, Elmedin Konaković, duke e cilësuar atë miqësore dhe produktive.

Në një postim në rrjetin social X, Hoxha bëri të ditur se gjatë bisedës u rikonfirmua angazhimi i përbashkët për forcimin e mëtejshëm të marrëdhënieve dypalëshe dhe thellimin e bashkëpunimit në fusha me interes të ndërsjellë.

Të dy ministrat ndanë qëndrimin se paqja, siguria dhe stabiliteti në rajon duhet të mbeten prioritete kryesore, veçanërisht në kushtet e sfidave të vazhdueshme në Ballkanin Perëndimor dhe në kuadër të një perspektive të besueshme dhe konkrete evropiane për rajonin.

Ministri Hoxha theksoi gjithashtu se, Shqipëria rikonfirmon mbështetjen e saj të fortë dhe të palëkundur për sovranitetin, unitetin dhe integritetin territorial të Bosnjë dhe Hercegovinës, duke dënuar çdo formë të separatizmit apo veprimet që cenojnë rendin kushtetues të vendit.

Sipas tij, integrimi në Bashkimin Evropian mbetet një shtytës kyç për zhvillimin e qëndrueshëm, stabilitetin dhe prosperitetin në rajon.

Në këtë drejtim, të dy vendet janë të angazhuara për të avancuar në rrugën evropiane përmes reformave, bashkëpunimit më të ngushtë dhe përafrimit me Politikën e Përbashkët të Jashtme dhe të Sigurisë (CFSP), si dhe me standardet dhe vlerat e BE-së.

Ministri Hoxha nënvizoi se palët presin me interes vijimin e koordinimit dhe dialogut të ngushtë në periudhën në vijim.

Burimi ATSH

Rama merr çmimin “CER Lord Jakobovits” për kontribut në promovimin e tolerancës dhe dialogut ndërfetar

Kryeministri Edi Rama u nderua sot me Çmimin CER Lord Jakobovits, për kontributin në promovimin e tolerancës dhe dialogut ndërfetar.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama merr çmimin “CER Lord Jakobovits” për kontribut në promovimin e tolerancës dhe dialogut ndërfetar

Kryeministri Edi Rama u nderua sot me Çmimin CER Lord Jakobovits, për kontributin në promovimin e tolerancës dhe dialogut ndërfetar.