Presidenti i Republikës, Bajram Begaj, pranoi Letrat Kredenciale nga Ambasadorja e re e Republikës Franceze, Catherine Suard.

Gjatë takimit, Kreu i Shtetit vlerësoi marrëdhëniet shumë të mira mes Shqipërisë dhe Francës, si dhe partneritetin strategjik midis dy vendeve.

Presidenti Begaj vlerësoi gjithashtu mbështetjen që Franca i jep procesit të zgjerimit të Bashkimit Evropian dhe Procesit të Berlinit me vendet e Ballkanit Perëndimor.

Gjithashtu, Kreu i Shtetit nënvizoi se bashkëpunimi ekonomik dhe investimet franceze janë shumë të mirëpritura në Shqipëri, veçanërisht në fushën e energjisë, ku tashmë ka një eksperiencë bashkëpunimi.
Kreu i Shtetit uroi Ambasadoren Suard për një mision diplomatik të saj sa më të suksesshëm në Shqipëri.

Në postimin e saj në Twitter, ambasadorja Suard shkruan:

“Krenare që jam tani në kapacitet të plotë për të kontribuar në zhvillimin e marrëdhënieve të frytshme midis Francës dhe Shqipërisë”.

Honorée d’avoir remis mes Lettres de créance au Président de la République d’Albanie @BajramBegajAL @AlbanianDiplo.
Fière d’être désormais pleinement en capacité de contribuer au développement des fructueuses relations entre la ?? et l’??. pic.twitter.com/nL9bRgM0iN

— Ambassadrice Catherine Suard (@CatherineSuard) July 25, 2023