Ambasadori i Republikës së Shqiperisë në Republikën e Kosovës, SH.T. Z.Petrit Malaj, priti në ambasadë, Drejtorin e Ekipit Këshillues dhe Ndërlidhës të NATO-s (NALT), Gjeneralbrigade Sven Lange, i cili përfundon misionin e tij një vjeçar, në krye të NALT.

Ambasadori, e falenderoi Gjeneralbrigade LANGE, për lidershipin, angazhimin dhe kontributin e NALT, për zhvillimin e FSK.

Në vijim, ambasadori Malaj, e njohu Gjeneralin me arritjet e bashkëpunimit dypalësh dhe me angazhimet e Shqipërisë për mbështetjen e vazhdueshme të NATO-s, si dhe të Kosovës, në rrugën Euro – Atlantike.

Nga ana e Tij, Gjeneralbrigade Lange, e falenderoi ambasadorin për pritjen shumë të ngrohtë, për gjithë ekspozen e punës, si dhe për angazhimet e Ambasadës së Republikës së Shqipërisë në Republikën e Kosovës si dhe për kontributin e Forcave të Armatosura të Shqipërisë në KFOR.

Më tej Gjeneralbrigade Lange e njohu ambasadorin Malaj me punën një vjeçare në drejtim të NALT, me arritjet e FSK, si dhe me sfidat e saj duke u shprehur me mjaft optimizëm për ecurinë e deritanishme dhe profesionalizmin e FSK-së në drejtim të rritjes operacionale sipas standartve të NATO–s.

(Marrë nga faqja zyrtare e Ambasadës në Facebook)