Përfaqësuesja e Pakicës bullgare në Komitetin për Pakicat Kombëtare zj. Milena Selimi bëri një vizitë në fshatin Ostren i Madh, zona e Gollobordës, ku u takua me banorët e pakicës kombëtare bullgare, që trashëgojnë brez pas brezi gjuhën, traditat dhe identitetin e tyre.

Në këtë takim ishin të pranishëm drejtoresha e Agjencisë për Bullgarët Jashtë Vendit, znj. Rajna Manxhukova, ambasadori i Republikës së Bullgarisë në Shqipëri, z. Ivaylo Kirov, kryetari i shoqatës “Shoqata e Bullgarëve të Shqipërisë” z. Gëzim Kurti, administratori i zonës z. Luan Mjeshtri, si dhe përfaqësues të këshillit bashkiak Bulqizë.

Tema e diskutimit ishte rreth zhvillimeve të reja në mbështetje të komunitetit si edhe bashkëpunimi në rritje mes dy shteteve tona Bullgari dhe Shqipëri si një garanci e sigurt për zhvillimin arsimor, ekonomik dhe kulturor te banorëve të kësaj zone.