Presidenti i Republikës, Bajram Begaj i shoqëruar nga bashkëshortja Armanda Begaj, votoi sot pranë qendrës së votimit tek shkolla “Kongresi i Lushnjës” në Tiranë.

Në një prononcim për mediet pas votimit, Begaj tha se “sot është një ditë e rëndësishme në demokraci, dita e zgjedhjeve. Unë sot kreva detyrën time si qytetar. Natyrisht që çdo shtetas i Republikës së Shqipërisë me të drejtë vote sot ka ditën që të dëgjohet, që vota e tij të lexohet, fuqia dhe pushteti i votës së tij të bëjë ndryshimin”.

“E kam thënë edhe në disa prononcime të mëparshme se këto votime nuk janë të partive politike, por të qytetarëve dhe duhet t’u shërbejnë atyre”, tha Begaj.