Oficerja Koordinuese për Diasporën, Joneda Dodaj, zhvilloi një takim me Sekretarin e Përgjithshëm për Politikat e Migracionit të Republikës Helene, Patroklos Georgiadis.

Sipas njoftimit të ambasadës shqiptare në Greqi, temat kryesore të diskutimit ishin:

? Vonesat kohore në lëshimin e lejeve të qëndrimit dhe pasojat e tyre në jetën e përditshme të shtetasve shqiptarë si, në sigurimin shëndetësor dhe në lëvizjen e lirë në zonën Schengen;
? Rishikimi i kuadrit ligjor lidhur me lejet e qëndrimit për brezin e parë të shtetasve shqiptarë, të cilët janë në prag të moshës së pensionit;

? Përshpejtimi i procedurave të pajisjes me leje qëndrimi – Digjitalizimi i plotë i procedurave/ rritja e personelit të posaçëm për ekzaminimin e kërkesave;
? Shkëmbim mendimesh mbi Kodin e Ri të Imigracionit, duke u ndalur në pikat që prekin komunitetin shqiptar në Greqi.
? Z. Georgiadis, duke vlerësuar rolin e rëndësishëm të komunitetit shqiptar, u shpreh pozitivisht për mbështetje në zgjidhjen e çështjeve të paraqitura.
? Bashkëbiseduesit rikonfirmuan gatishmërinë dhe vullnetin e të dy institucioneve për vazhdimësi të bashkëpunimit në të ardhmen. ????