Kryeministri Edi Rama tha se investimet e huaja në Shqipëri kanë arritur në maksimume historike.

Në një intervistë televizive, Rama solli në vëmendje disa nga kompanitë e huaja që investojnë në Shqipëri, ndër të cilat përmendi Shell-in, Mercedesin, kompanitë koreane e japoneze, Voltalia dhe investimin e rëndësishëm që do të bëhet në portin e Durrësit.

Rama theksoi se, “kontratat e reja të Shell nuk janë që më herët. Shell nuk gjeti naftë dhe vazhdoi, Shell ka kërkuar të bëjë kontrata të reja me qeverinë për të bërë eksplorime të tjera. Kompanitë që kanë ardhur në Shqipëri që nga Mercedesi deri te kompania korane që ka hapur 1500 vende pune në Fier, kompania japoneze që ka hapur 400 vende pune dhe do të hapë vende të reja punë në Kamzë, tek Lufthansa që ka 400 të punësuar këtu, Voltalia franzece që ka marrë dy kontrata për të bërë dy parqet më të më mëdha fotovoltaike këtu dhe do investojë qindra miliona euro. Porti i Durrësit me 2 miliardë vlerë investimi.