Zgjedhjet vendore, Audrey Glover takon Komisionerin Celibashi
Audrey Glover është një njohëse e mirë se si zhvillohen zgjedhjet në Shqipëri.
Shefja e misionit të Vëzhguesve të ODIHR për zgjedhjet e 14 majit, Audrey Glover ka mbërritur në Tiranë, ku ka nisur takimet.
Mediet raportojnë se në mesditë, Glover zhvilloi takim me Komisionerin Shtetëror të Zgjedhjeve, Ilirian Celibashin, ndërsa të premten, më 7 prill do të mbajë dhe një konferencë për mediet mbi hapjen e misionit të vëzhgimit të zgjedhjeve për zgjedhjet e ardhshme vendore në Shqipëri.
Gjatë qëndrimit të saj Glover do të zhvillojë takime edhe me drejtues të institucioneve shtetërore, përfaqësues të partive politike.
Sot me Shefen e Misionit të OSCE Office for Democratic Institutions and Human Rights (ODIHR), Ambasadoren Audrey Glover dhe ekipin e saj, për të biseduar rreth përgatitjeve të zgjedhjeve #Vendore14Maj2023, si edhe angazhimin e vëzhguesve afatshkurtër dhe afatgjatë.
#VOTOTËDËGJOHESH
Posted by KQZ Shqiperi on Thursday, April 6, 2023
Audrey Glover është caktuar shefe e Misionit të Vëzhguesve të ODIHR për zgjedhjet vendore të 14 majit.
Audrey Glover është një njohëse e mirë se si zhvillohen zgjedhjet në Shqipëri. Për herë të parë në vitin 1996 ajo kryesoi misionin afatgjatë të vëzhgimit, ndërsa gjetjet e raportit të saj do të hasnin kundërshti të fortë nga qeveria Berisha.
ODIHR i besoi edhe drejtimin e misionit të vëzhgimit të zgjedhjeve të 28 qershorit 2009, sikundër edhe për zgjedhjet e vitit 2015 si edhe ato të 2019-ës.
Për të monitoruar zgjedhjet e 14 majit, ODIHR ka vendosur të sjellë në Shqipëri një mision me 324 vëzhgues. /ATSH
Më shumë lajme
