Ambasadorja amerikane në Shqipëri, Yuri Kim, së bashku me ministren e Jashtme, Olta Xhaçka, së fundmi kanë zhvilluar një vizitë tek familjet afgane që po strehohen në Shqipëri.
Kim është suprizuar nga një vajzë e vogël afgane, e cila i dhuroi ambasadores një vizatim të bërë nga vetë ajo.
“U emocionova kur një vajzë e vogël më dha një vizatim të një luleje si një gjest miqësie. Njerëzit që takuam ishin plot lëvdata dhe mirënjohje për popullin shqiptar që i priti me kaq ngrohtësi.” shprehet Yuri Kim.
Mesazhi i plotë i Yuri Kim:
“Pata rastin t’i bashkohem Ministres së Jashtme Olta Xhaçka për një vizitë me disa nga gratë, burrat dhe fëmijët afganë që mbërritën në Shqipëri gjatë ditëve të fundit.
Me ta u takuam për herë të parë në aeroport në mes të natës – ishte e mrekullueshme të shiheshim sot në dritën e diellit dhe të dëgjonim historitë e tyre. U emocionova kur një vajzë e vogël më dha një vizatim të një luleje si një gjest miqësie.
Njerëzit që takuam ishin plot lëvdata dhe mirënjohje për popullin shqiptar që i priti me kaq ngrohtësi. Ishin gjithashtu të kënaqur të takonin disa nga njerëzit dhe grupet që kanë mbështetur evakuimin e atyre në rrezik (vizita e sotme përfshin Fondacionin Yalda Hakim dhe Schmidt Futures).” – ambasadorja e SHBA Yuri Kim.
