Drejtoria e Përgjithshme e Arkivave ka publikuar dokumentin e themelimit në vitin 1931 të “Repartit Pompier Ushtarak” për shuarjen e zjarreve, nisur edhe nga situata me zjarret që po kalon Shqipëria, ku mijëra hektarë pyje, kullota, stane dhe shtëpi janë djegur gjatë këtyre ditëve, dhe shumë të tjera janë shpëtuar falë përkushtimit dhe punës në terren të pjestarëve të FA, punonjësve zjarrfikës, etj.
Postimi i plotë
Heronjtë e heshtur. ????????
Prej më shumë se një jave vendi ynë po kalon një situatë të vështirë për shkak të zjarreve, të cilat janë përhapur në disa territore të vendit.
Një 64 vjeçar humbi jetën në përpjekje për të shuar flakët në vreshtin e tij, ndërsa një efektiv i Forcave të Armatosura ndodhet në spital për shkak të plagëve të marra gjatë aksioneve për shuarjen e zjarreve.
Mijëra hektarë pyje, kullota, stane dhe shtëpi janë djegur gjatë këtyre ditëve, dhe shumë të tjera janë shpëtuar falë përkushtimit dhe punës në terren të pjestarëve të FA, punonjësve zjarrfikës, etj.
Janë pikërisht këta të fundit “heronjtë e heshtur” që përballen të parët me zjarret, e duke qenë se kapacitetet e vendit tonë për të përballuar këto situata janë modeste, puna e tyre bëhet edhe më e vështirë.
Në mirënjohje të punës së tyre në vite, sot AQSH publikon dokumentin e themelimit në vitin 1931 të “Repartit Pompier Ushtarak” për shuarjen e zjarreve.
