Ministrja e Bujqësisë dhe Zhvillimit Rural, Anila Denaj priti në një takim ambasadorin e Egjiptit në Tiranë, Hassan Shawky, me të cilin diskutoi mbi forcimin e bashkëpunimit në sektorin e bujqësisë.

Gjatë takimit, ministrja Denaj dhe ambasadori Shawky biseduan për të çuar përpara bashkëpunimin dypalësh dhe për të krijuar mundësi të reja për fermerët dhe bizneset bujqësore.

Në një postim në rrjetet sociale Denaj tha se biseda u fokusua gjithashtu në rritjen e shkëmbimeve bujqësore, si dhe në shkëmbimin e eksperiencave në fushën e kërkimit teknologjik, për të aplikuar metoda inovative për bujqësinë e qëndrueshme.

Burimi ATSH