Në kuadër të fushatës “16 ditë aktivizëm kundër dhunës me bazë gjinore”, punonjës të Policisë së Shtetit iu bashkuan marshimeve, fushatave sensibilizuese, aktiviteteve të ndryshme, hartimit dhe shpërndarjes së fletëpalosjeve.

Këto iniciativa janë ndërmarrë së bashku me përfaqësues të institucioneve të tjera, kompetente dhe përgjegjëse për trajtimin e integruar të rasteve të dhunës me bazë gjinore.

Policia e Shtetit ftoi qytetarët që të denoncojnë çdo rast dhune, te njësitë fizike, adresat zyrtare online të Policisë së Shtetit ose te numri pa pagesë 112.

Policia e Shtetit premton reagim të menjëhershëm, të integruar dhe i përshtatur në formën më të mirë, me objektiva parandalimin dhe goditjen e këtij krimi.

(ATSH)