“Balkanika Folk Festival” këtë vit u zhvillua në Pallatin e Kulturës “Artan Cuku” në Kamëz. Mbi 200 artistë nga 7 vende te ndryshme të Ballkanit ishin pjesë e festivalit që mori jetë mbrënjen e të shtunës. Pjesëmarrës ishin grupet folklorike nga Shqipëria, Kosova, Bullgaria Bosnje Hercegovina, Rumania, Maqedonia e veriut, Greqia dhe Turqia.

Kryetari i Bashkisë Kamëz, Rakip Sali, duke përshëndetur festivalin tha se ky do të jetë një rrugëtim i përvitshëm në Kamëz. “Ju grantoj se ky festival nuk përfundon këtu, por do ketë rrugëtimin e gjatë të përvitshëm në Bashkinë Kamëz. Kamza e ka zemrën e madhe dhe bënë organizime për të gjithë Ballkanin.”, tha Suli.

Ai falenderoi edhe grupet folklorike nga 7 vendet e Ballkanit, që u shndërruan në energjinë dhe frymëzimin e mbi 150 000 banorëve të Kamzës.

“A ka ura komunikimi më të mira se arti dhe kultura, a ka energji, frymëmarrje më të mirë se arti dhe kultura. Këto ishin shtysat e mija për të realizuar këtë organizimin “Ballkanika Fol Festival, Kamwz 2024″, tha Suli.

Kryetari i Bashkisë Kamëz, para zhvillimit të festivalit, ka pritur në zyrën e tij përfaqësues të grupeve artistike nga 7 vende të ndryshme duke i falënderuar që janë bërë pjesë e festivalit duke sjellë traditën dhe kulturën e tyre në Shqipëri.

Kryetari Rakip Suli mirëpret grupet artistike nga gjithë Ballkani.

“Ju falënderoj përzemërsisht për pjesëmarrjen tuja në Balkanika Folk Festival. Pjesëmarrja juaj i dha një tjetër energji bashkisë së Kamzës për shkëmbimin e eksperiencave mes shteteve, kulturës dhe zakoneve sepse shumë gjera na bashkojnë se sa na ndajnë”, tha Suli.

Mes përfaqësuesve dhe Sulit janë shkëmbyer edhe dhurata qe simbolizojnë vendet nga ata vijnë dhe simbolet e Bashkisë Kamzë. (ATSH)