Kryeministri Edi Rama zhvilloi sot një vizitë në Kloster Banz në Bavari të Gjermanisë, ku mori pjesë në takimin tradicional të fillimvitit të Unionit Social-Kristian (CSU) me ftesë të Kryeministrit të Bavarisë, Markus Söder.

Kryeministri Rama ndau në rrjetet sociale momente nga takimi me kryeministrin bavarez, Markus Söder, dhe kryetarin e grupit parlamentar të CSU për Bavarinë, Klaus Holetschek, të cilën e cilësoi “Foton e ditës”.

Rama adresoi Shqipërinë si një shembull suksesi në rajon dhe u ndal te forcimi i marrëdhënieve bilaterale me Gjermaninë, e me Bavarinë posaçërisht, përmes bashkëpunimit politik, ekonomik, tregtar e kulturor.

Në konferencën e përbashkët për shtyp, Kryeministri Rama foli për sfidën e adresimit të emigracionit të paligjshëm ndërsa u shpreh se “emigracioni i paligjshëm kërkon reagim të përbashkët nga e gjithë familja e BE-së”.