Angazhimi i vendit tonë në kuadër të perspektivave të Bashkimit Evropian në fushën e Politikës së Përbashkët të Sigurisë dhe Mbrojtjes dhe kontributi i Forcave tona të Armatosura në misionet ushtarake të BE-së, ishte në qendër të bisedës mes ministrit të Mbrojtjes, Niko Peleshi dhe Përfaqësuesin e Lartë të BE-së për Politikën e Jashtme dhe Sigurinë, Zv President i KE-së, Josep Borrell Fontelles.

Kështu u shpreh ministri Peleshi në rrjetet sociale për bisedën e zhvilluar në kuadër të vizitës që zyrtari i lartë europian zhvilloi sot në Tiranë.

“Shqipëria do të vijojë të ndjekë një politikë rajonale konstruktive, në mbështetje të paqes dhe stabilitetit, duke nxitur nisma rajonale që forcojnë marrëdhënien BE- Ballkan Perëndimor”, theksoi Peleshi.

Përfaqësuesi i Lartë i BE-së për Punët e Jashtme dhe Politikën e Sigurisë/Zëvendëspresidenti i Komisionit Evropian, Josep Borrell ishte sot i pranishëm në mbledhjen e Komitetit të Stabilizim-Asociimit Shqipëri-BE.