Kryeministri Edi Rama ndau në rrjetet sociale pamje nga takimi me një të ri me aftësi të kufizuara, të cilin e ka cilësuar si “një vizitor të veçantë pa gurë në xhep, po me zemrën në vendin e duhur”.

Në reagimin e tij, Rama shkruan se i riu dëshironte ta takonte pasi i kishte dërguar një mesazh.

Pavarësisht mendimeve të ndryshme, kreu i Qeverisë tha se takimet duhet të zhvillohen në frymën e paqes dhe mirëkuptimit.

“Një njeri që do të më takojë për qejf”, u shpreh Rama.

I riu tha se jo shumëkush është dakord me vendimin e tij për ta takuar Kryeministrin Rama, por ai vetë po.

“Po tani demokracia është kjo! Mjafton të jetë me paqe dhe me buzëqeshje, jo me gurë dhe me zjarr”, shprehet Rama, ndërsa i thotë të riut se do të mbesin në kontakt.

/Burimi ATSH