Kanë mbetur edhe dy ditë nga përfundimi i aplikimeve për Programin e Ekselencës, ndërsa ministrja e Shtetit për Administratën Publike dhe Antikorrupsionin, Adea Pirdeni u ka bërë thirrje të rinjve që të shfrytëzojnë këtë mundësi për t’iu bashkuar administratës publike shqiptare.

Përmes një videomesazhi, Pirdeni theksoi se Programi i Ekselencës përbën një mundësi konkrete për të rinjtë që synojnë të ndërtojnë një karrierë në administratën publike.

“Mos e lër për vitin tjetër. Apliko sot dhe bëhu pjesë e administratës publike shqiptare dhe e stafeve tona”, u shpreh Pirdeni.

Ministrja i ftoi të interesuarit të aplikojnë brenda afatit, duke e cilësuar programin si një hap drejt zhvillimit të karrierës profesionale në shërbimin publik.

“Është një mundësi reale, një hap drejt karrierës. Aplikoni”, theksoi ajo.

Burimi ATSH