Ambasadorja e Republikës së Shqipërisë në Greqi, Luela Hajdaraga, zhvilloi një takim me Ambasadorin e Republikës së Lituanisë në Greqi, Andrius Kalindra, Ambasador jo-rezident në Shqipëri.

Sipas ambasadës, gjatë takimit u diskutua mbi forcimin e mëtejshëm të marrëdhënieve dypalëshe dhe zhvillimin e bashkëpunimit, me fokus të veçantë te *procesi i integrimit të Shqipërisë në Bashkimin Evropian* , si dhe te bashkëpunimi në kuadër të BE-së dhe NATO-s.

“Dialog dhe bashkëpunim i vazhdueshëm në funksion të forcimit të marrëdhënieve mes dy vendeve dhe perspektivës evropiane të Shqipërisë”, shkruan ambasada shqiptare në rrjetet sociale.