Kryetari i Kuvendit, Niko Peleshi mori pjesë në Forumin e Sigurisë “Partneriteti SHBA-Europë dhe Roli i Padiskutueshëm i NATO-s”, organizuar nga Kuvendi i Shqipërisë, me pjesëmarrjen e parlamentarëve, ish-parlamentarëve dhe personaliteteve nga Kongresi Amerikan, Parlamenti Europian, parlamentet e vendeve anëtare, Dhoma e Komunëve e Mbretërisë së Bashkuar dhe vendet e rajonit.

Në fokus të diskutimeve ishin sfidat e sigurisë globale, forcimi i partneritetit transatlantik dhe roli i NATO-s në ruajtjen e paqes dhe stabilitetit.

Peleshi theksoi se Shqipëria mbetet e palëkundur në orientimin e saj euroatlantik, në partneritetin strategjik me Shtetet e Bashkuara të Amerikës, në kontributin si aleate e denjë e NATO-s dhe në angazhimin për paqe e stabilitet në Ballkanin Perëndimor.

Kryetari i Kuvendit theksoi po ashtu se mikpritja e Samitit të NATO-s në Tiranë në vitin 2027, i pari i organizuar në Ballkanin Perëndimor, u vlerësua si një moment historik për Shqipërinë dhe një dëshmi e rolit në rritje të vendit tonë në arkitekturën euroatlantike të sigurisë.

Burimi ATSH