Presidenti Bajram Begaj priti sot ambasadoren e Palestinës në Tiranë, Rana Abusibaa, me rastin e paraqitjes së letrave kredenciale.

Presidenti Begaj i uroi mirëseardhjen ambasadores Abusibaa dhe suksese në përmbushjen e misionit të saj diplomatik në Shqipëri.

Begaj shprehu besimin se ajo do të kontribuojë në forcimin e mëtejshëm të marrëdhënieve miqësore dhe bashkëpunimit mes dy vendeve.

Presidenti Begaj nënvizoi se Shqipëria vijon të ndjekë me vëmendje zhvillimet në Lindjen e Mesme dhe mbështet përpjekjet e bashkësisë ndërkombëtare për arritjen e një zgjidhjeje të drejtë, të qëndrueshme dhe paqësore.