Amfiteatri antik i Durrësit jehoi nga zërat magjik të 15 finalistëve në festivalin ‘Zëri i frankofonisë’.

Artistët e rinj nga Berati, Durrësi, Tirana, Shkodra, Elbasani dhe Korça sollën ritmet e këngëve franceze duke krijuar një atmosferë të paharrueshme për spektatorët dhe kalimtarët.

Juria vlerësoi me çmimin e parë, 14 vjeçaren Juna Ruçi nga Durrësi, kurse vendi i dytë dhe i tretë shkoi për të rinjtë nga Elbasani, David Kerri dhe Briselda Yzeiri.

Ky konkurs u organizua nga Aleancat franceze, me mbështetjen e Ambasadës së Francës në Shqipëri, Bashkia e Durrësit dhe Qendra Muzeale e Durrësit.