Ministrja e Arsimit, Mirela Kumbaro së bashku me
të Ngarkuarën me Punë të SHBA në Shqipëri, Nancy VanHorn, morën pjesë në ceremoninë e betimit të 43 vullnetarëve të rinj të Korpusit të Paqes.
Në fjalën e saj Kumbaro tha “ju vini në Shqipëri jo vetëm si vullnetarë, por edhe si dëshmi e gjallë e partneritetit të fortë dhe të qëndrueshëm mes Shqipërisë dhe Shteteve të Bashkuara të Amerikës”.
Ministrja Kumbaro i ftoi të rinjtë e Korpusit të Paqes të bëhen pjesë aktive e programit “Pas Shkolle”, për të ndarë dijen dhe përvojën e tyre me fëmijët tanë përmes edukimit dhe argëtimit.

“Ne kemi zhvilluar programin “Pas shkolle”, i cili synon që përtej orarit dhe programit të detyrueshëm të pasurojë jetën e nxënësve përtej orarit mësimor, të ofrojë zbavitje përmes edukimit. Edhe këtu ju keni shumë për të dhënë çdo klasë ku do të hyni, çdo nxënës që do të takoni, çdo banor i lagjes ku do jetoni është një mundësi për të lënë gjurmë pozitive dhe emocione nga shpirti juaj”, tha Kumbaro.

Kumbaro i uroi suksese të gjithë vullnetarëve, ambasadorë të Shqipërisë, në misionin e tyre fisnik në mbarë vendin.