Ministri i Brendshëm, Besfort Lamallari ndau sot rritjen e pagave për punonjësit e Policisë së Shtetit për disa grada.

Lamallari theksoi se, “siguria nuk ndërtohet vetëm me ligje, por edhe me njerëz të motivuar dhe të vlerësuar për profesionalizmin dhe përkushtimin ndaj uniformës”.

Ministri theksoi se, “ndërsa Shqipëria ecën me hapa të sigurt drejt BE-së, përmirësimi i kushteve të punës dhe rritja e pagave për punonjësit e Policisë së Shtetit do të vijojë në mënyrë të qëndrueshme”.

Lamallari u shpreh se përmirësimi i kushteve të punës dhe rritja e pagave do të vijojë në mënyrë të qëndrueshme, në kuadër të procesit të integrimit të Shqipërisë në Bashkimin Evropian.

Sipas shifrave të publikuara nga ministri Lamallari, paga për gradën Inspektor është rritur nga 61 500 lekë në vitin 2023, në 73 500 lekë në vitin 2026.

Për gradën Nënkomisar, paga është rritur nga 75 500 lekë në 2023, në 88 000 lekë në 2026-ën.

Ndërsa për gradën Komisar, paga është rritur nga 82 500 lekë në vitin 2023, në 97 375 lekë në vitin 2026.