Ambasadori i Shqipërisë në Kosovë, Petrit Malaj mori pjesë mbrëmë në ceremoninë solemne të ndarjes së dekoratave, të organizuar nga Presidentja e Republikës së Kosovës, Vjosa Osmani.

Gjatë kësaj ceremonie u bë nderimi i personaliteteve të shquara edhe nga Shqipëria, të cilët u dekoruan me dekorata presidenciale për kontributin e tyre të jashtëzakonshëm në artin dhe kulturën shqiptare.

Ndër ta spikasin figura të njohura si mësuesi Mehmet Gjevori, botuesi Fatmir Toçi, Regjisori dhe kompozitori Osman Mula, Ermonela Jaho dhe aktori i madh shqiptar Mirush Kabashi, si dhe personalitete të tjera që, me veprën e tyre, kanë lënë gjurmë të pashlyeshme në identitetin tonë kombëtar.

Kjo ngjarje përbën një vlerësim të lartë institucional dhe një dëshmi të lidhjeve të forta ndërmjet Kosovës dhe Shqipërisë, në promovimin dhe ruajtjen e vlerave tona të përbashkëta.