Postimi i Komitetit të Pakicave Kombëtare

Në datën 27 Mars 2026, në Dervician, Bashkia Dropull, u organizua tryeza e dytë e rrumbullakët organizuar nga Këshilli i Evropës dhe Prezenca e OSBE-së në Shqipëri, në bashkëpunim me Komitetin për Pakicat Kombëtare dhe Ministrinë e Punëve të Brendshme, me qëllim njohjen e komuniteteve vendore me procedurën e vetëidentifikimit si pjesëtarë të një pakice kombëtare, në përputhje me VKM nr. 843, datë 26.12.2024 “Për përcaktimin e kritereve, dokumentacionit dhe procedurave për mbledhjen e të dhënave për identifikimin e personave që u përkasin pakicave kombëtare”.

Në këtë tryezë morën pjesë përfaqësues të pakicave kombëtare, përfaqësues të institucioneve publike dhe të organizatave të shoqërisë civile.

Gjatë diskutimit u bë një prezantim për institucionin e Komitetit për Pakicat Kombëtare dhe Komisionit për Njohjen e Pakicave Kombëtare, si dhe u prezantua një udhëzues për organizatat e shoqërisë civile dhe një fletëpalosje informuese që shpjegon mënyrën e plotësimit dhe të dorëzimit të formularit të vetëidentifikimit, të përgatitura nga Këshilli i Evropës dhe Prezenca e OSBE-së në Shqipëri.

Ju mirëpresim ne tryezën e rradhës në Korçë në 31 mars