Kryetari i Kuvendit, Niko Peleshi deklaroi sot se e drejta për të protestuar është një e drejtë kushtetuese, por duhet të ushtrohet në mënyrë paqësore dhe në respekt të ligjit.

Sipas tij, “çdo akt dhune apo vandalizmi është i papranueshëm dhe nuk i shërben as dialogut, as interesit publik”.

“Në rrugën tonë drejt Bashkimit Europian, përgjegjësia, dialogu dhe respekti për ligjin janë vlera që duhet të na udhëheqin në çdo rrethanë, veçanërisht në këtë moment me rëndësi të jashtëzakonshme për Shqipërinë. Shqipëria po ecën me shpejtësi drejt objektivit të mbylljes së kapitujve të negociatave deri në fund të vitit të ardhshëm”, u shpreh Peleshi.

Bashkimi Europian, sipas tij, “është destinacioni i të gjithë shqiptarëve, pa dallim, ndaj për këtë qëllim, duhet të kontribuojnë të gjithë me përgjegjësi qytetare dhe historike”.

Burimi ATSH