Ministri i Bujqësisë dhe Zhvillimit Rural, Andis Salla u vlerësua sot në Romë me Çmimin Ndërkombëtar të Venecias “Luani i Artë”, i akorduar nga Komiteti “Leone d’Oro” i Venecias, në një ceremoni të zhvilluar në ambientet e Senatit të Republikës Italiane.

Vlerësimi simbolizon angazhimin institucional dhe punën e përbashkët në forcimin e marrëdhënieve Shqipëri-Itali, duke reflektuar miqësinë e qëndrueshme mes dy vendeve, të ndërtuar mbi respekt, bashkëpunim dhe lidhje të forta njerëzore.

“Me nder dhe përgjegjësi pranova vlerësimin me çmimin ‘Luani i Artë’, i akorduar nga Komiteti ‘Leone d’Oro’ i Venecias, në një ceremoni të zhvilluar në ambientet e Senatit të Republikës Italiane”, u shpreh Salla.

Ai theksoi se ky është një vlerësim simbolik për angazhimin institucional dhe për punën e përbashkët në forcimin e marrëdhënieve mes dy vendeve, si dhe në rrugën e afrimit të Shqipërisë me familjen europiane. “Çdo arritje ka kuptim vetëm kur përkthehet në më shumë bashkëpunim, më shumë standarde dhe më shumë rezultate për qytetarët”, deklaroi ministri.

Sipas tij, çmimi përfaqëson gjithashtu një simbol të miqësisë së fortë mes Italisë dhe Shqipërisë, një marrëdhënie e ndërtuar mbi bashkëpunim afatgjatë dhe lidhje njerëzore që i rezistojnë kohës.

“Ai i përket gjithashtu të rinjve tanë, që me energjinë dhe vizionin e tyre përfaqësojnë të ardhmen e kësaj miqësie”, tha Salla.

Burimi ATSH