Prindërit e tyre lanë pas jetën, vendin dhe shumë sakrifica, me një dëshirë të vetme: që fëmijët e tyre të kishin një jetë ndryshe, një të ardhme tjetër dhe mundësi të reja. Sot, brezi i dytë po i bën krenarë ata prindër dhe po dëshmon se sakrificat e një brezi të tërë nuk kanë qenë të kota.

Një prej këtyre historive është ajo e Denada Bullarit, e lindur në Elbasan dhe e diplomuar në Institutin e Arteve të Bukura të Athinës. Që prej vitit 2010, puna e saj artistike është prezantuar në shumë ekspozita dhe projekte në Greqi, Itali e më gjerë. Në vitin 2021, puna e saj u përzgjodh për galerinë ndërkombëtare të fotografisë “HOME’21”.

Denada ka marrë pjesë në projekte, ekspozita dhe aktivitete të ndryshme artistike në Athinë, Romë dhe Ios, ndër të cilat Athens Photo Festival, Open Studios në ASFA, “Building 300 Men”, “Lockdoën”, “Visual Thoughts of Boiotian Creators”, “ICONOSTASIA”, “Në Rrethin e Tsarouchis-it”, “Poezi dhe Pikturë”, “Yakinthia 2025” dhe “Settimana Ellenica”.

Ajo ka qenë pjesë e një projekti me vepra të dhuruara për Spitalin Universitar “Sotiria” të Universitetit Kombëtar dhe Kapodistrian të Athinës, çka tregon edhe shpirtin human të saj. Denada është renditur në vendin e 6-të në Konkursin e 8-të të Fotografisë IANOS, me temën “Me Pamje nga një Varg”. Fotografia e saj “Tëo” u përzgjodh ndër 30 imazhet e ekspozuara në librarinë IANOS.

Nga Elbasani në Athinë, nga pasioni te arti, nga puna e përditshme te skenat artistike greke, Denada Bullari është një shembull i një brezi që ndërton identitetin e vet përmes talentit, punës dhe përkushtimit. Si një model i tillë, televizioni ERT1, përmes emisionit “Proian se eidon”, e vlerësoi atë si një simbol të brezit që i ktheu në art dhe sukses sakrificat e prindërve të tij.

Sepse pas çdo suksesi të brezit të dytë qëndron shpesh një histori sakrifice e brezit të parë.

* Marrë nga faqja e Ambasadës Shqiptare në Greqi