Më 4 shtator u zhvillua në Vladivostok të Rusisë Forumi i 8-të Tregtar i Energjetikës Kinë-Rusi. Kryetari i shtetit të Kinës Xi Jinping i dërgoi këtij forumi një mesazh urimi.

Xi vuri në dukje se ky vit përkon me 30-vjetorin e vendosjes së partneritetit të gjithanshëm strategjik Kinë-Rusi dhe 25-vjetorin e nënshkrimit të marrëveshjes së bashkëpunimit të fqinjësisë miqësore Kinë-Rusi. Në një situatë ndërkombëtare të komplikuar, zhvillimi në nivel të lartë i partneritetit të gjithanshëm strategjik në epokën e re Kinë-Rusi dhe frytet e pasura të bashkëpunimit energjetik Kinë-Rusi kanë nxitur fuqimisht zhvillimin e përbashkët të të dy vendeve, duke u bërë shembull për bashkëpunimin me përfitime reciproke.

Xi theksoi se situata aktuale ndërkombëtare energjetike po ndryshon thellë dhe mundësitë e sfidat janë të ndërthurura. Kina është e gatshme që së bashku me Rusinë të thellojnë në vazhdimësi bashkëpunimin energjetik dhe të ruajnë së bashku stabilitetin dhe mbarëvajtjen e zinxhirëve të prodhimit dhe furnizimit të energjetikës.

Burimi CGTN