Ministri i Punëve të Brendshme, Besfort Lamallari, ka ndarë në rrjetet sociale pamje nga kontrollet e Policisë së Shtetit ndaj mjeteve luksoze me xhama të errësuar dhe shkeljeve të tjera të rregullave.

“Siguria e qytetarëve e para!”, shkruan Lamallari, duke theksuar se në fokus të Policisë janë automjetet me xhama të errësuar në kundërshtim me ligjin, personat që mbajnë armë pa leje, poseduesit e lëndëve narkotike, si dhe drejtuesit që rrezikojnë jetën e qytetarëve.

Ministri përgëzoi Forcën e Posaçme Operacionale, skuadrën “Shqiponja” dhe Policinë Rrugore për operacionet e zhvilluara gjatë ditëve të fundit në disa zona të Tiranës.

Lamallari theksoi se kontrollet synojnë rritjen e sigurisë publike dhe parandalimin e shkeljeve që cenojnë jetën dhe sigurinë e qytetarëve.

Marrë nga ATSH