Kym Bergmann është kryeredaktor i revistës australiane “Asia Pacific Defence Reporter”. Ai udhëtoi për në Xinjiang si i ftuar i qeverisë kineze. Bergmann i përshkroi ndjenjat e tij nga ky udhëtim në një artikull, ku ndër të tjera ai shprehet:

Kym Bergmann në Xinjiang

“Vizita në Xinjiang ishte informuese, sepse duket sikur Kina po bën një përpjekje të mëdha dhe të vazhdueshme për të përmirësuar jetën e banorë ujgurë në një mënyrë që është gjithashtu ekonomikisht në përputhje me objektivat e BRI-së. Cinikët mund të përpiqen të argumentojnë se gjithçka ishte një skenar i parashkruar, por ideja që 30 gazetarë në gjendje të endeshin lirisht nëpër qytete në çdo kohë të ditës ose të natës, po manipuloheshin kolektivisht duket e pabesueshme.

Të paktën, çdo pretendim për ndonjë formë të gjenocidit kulturor ndaj ujgurëve është plotësisht në kundërshtim me atë që përjetoi autori. Ujgurët – dhe pakica të tjera shumë më të vogla, si kazakët – kanë gazetat e tyre, si dhe stacione televizive dhe radiofonike në gjuhët e tyre. Qeveria kineze po bën çmos për të ruajtur trashëgiminë e tyre kulturore me muze dhe projekte të ndryshme restaurimi. Njerëzit duket se janë të lirë të praktikojnë besimet e tyre fetare – me kushtin e rëndësishëm që veprimet e tyre të jenë gjithmonë brenda ligjit, ashtu si në Australi. Një nga vizitat në Urumqi ishte te një kolegj për përgatitjen e imamëve të ardhshëm – deri në 1 000 të rinj jetonin aty, duke ngrënë ushqime hallall dhe duke pasur mjedise të plota biblioteke.

Nëse qeveria do të kishte një program antiujgur, vende të tilla nuk do të ekzistonin – dhe ky nuk ishte një shembull i izoluar. Pretendimet se ujgurët po përdoren për punë skllavëruese janë në kundërshtim me një sërë programesh qeveritare që inkurajojnë punësimin vendor si një mënyrë për të rritur standardet e jetesës. Qeveria është e vetëdijshme që, nëse rivendosin masa të ashpra sigurie, këto në fakt mund të nxisin radikalizmin që po kërkon të mposhtë.

Foto nga Kym Bergmann

Së fundmi, shumë ujgurë vendas e pyetën autorin nëse ai mund t’ua rekomandonte Xinjiang-un australianëve të tjerë si një destinacion turistik, sepse ata do të donin të prisnin shumë më tepër vizitorë. Rajoni është mikpritës, i sigur dhe shumë i larmishëm nga ana kulturore. Është i largët, por kjo e bën edhe më interesant dhe ia vlen përpjekja për të shkuar atje.”

Burimi CGTN