Zëvendësministri i Turizmit, Kulturës dhe Sportit, Endrit Hoxha mori pjesë në aktivitetin “ACES – Territori in Movimento”, zhvilluar në kuadër të TTG Rimini, ku sporti u prezantua si motor për një vizion të ri dhe të qëndrueshëm të turizmit.

Në këtë nismë të rëndësishme, institucione, biznese dhe aktorë të turizmit u bashkuan për të diskutuar mbi roli e sportit në zhvillimin e qëndrueshëm, përfshirjen sociale dhe promovimin e territorit.

Tre qytete shqiptare janë vlerësuar me titullin “Qyteti Europian i Sportit”, një njohje që dëshmon përkushtimin ndaj një jete aktive dhe të shëndetshme: Tirana në vitin 2023, Vlora në vitin 2024 dhe Shkodra në vitin 2025.

Ky vlerësim dhe pjesëmarrja në këtë forum konfirmojnë angazhimin e Shqipërisë për të vendosur sportin në zemër të imazhit të vendit, si një instrument për zhvillim të qëndrueshëm dhe promovim europian të territoreve tona.

Burimi ATSH