Presidenti i Republikës, Bajram Begaj priti sot një përfaqësi nga British Council.

Begaj vlerësoi në takim programet që ky Këshill ofron prej tri dekadash për të rinjtë shqiptarë.

Kreu i Shtetit theksoi se, të rinjtë janë pasuria më e madhe e vendit dhe se, Shqipëria ka nevojë për dijet dhe energjinë e tyre.

“Duhet të bëjmë gjithçka për t’i aftësuar, për t’u krijuar kushte, që ata të japin kontributin e tyre në Shqipëri”, theksoi Begaj, në një postim në rrjetet sociale.

British Council vepron në Shqipëri që nga viti 1994. Ata punojnë çdo vit me mijëra studentë, mësues, politikë-bërës, akademikë, kërkues, artistë dhe sipërmarrës.

British Council punon drejtpërdrejt me individë për t’i ndihmuar ata të fitojnë aftësitë, besimin dhe lidhjet për të transformuar jetën e tyre për një botë më të mirë në partneritet me Mbretërinë e Bashkuar.

British Council i mbështet ata për të ndërtuar rrjete dhe për të eksploruar ide kreative, për të mësuar anglisht, për të marrë një arsim të cilësisë së lartë dhe për të fituar kualifikime të njohura ndërkombëtarisht.