Prefekti i qarkut Vlorë, Plator Nesturi mirëpriti sot një delegacion të Republikës Çeke, të kryesuar nga prefekti i Pardubice-s, Martin Netolický dhe Ambasadori i Republikës Çeke në Shqipëri, Pavel Vacek.

Ky takim shënon një hap të rëndësishëm drejt krijimit të një partneriteti të ri dhe forcimit të bashkëpunimit në fusha të ndryshme ndërmjet dy prefekturave.

Prefekti Nesturi falënderoi delegacionin për ndihmën me dhurimin e dy autoambulancave për bashkitë Konispol dhe Delvinë si dhe pajisjet kompjuterike për shkollat.

Takimi nxiti tema dhe ide për projekte të përbashkëta dhe nisma që do të sjellin vlera të ndërsjella për komunitetet tona.

Prefektura e qarkut Vlorë është gjithmonë e hapur për bashkëpunime që nxisin zhvillimin, ofrojnë shkëmbime të eksperiencave, ndajnë përvoja dhe ndërtojnë ura miqësie.

Burimi ATSH