Drejtoria e Përgjithshme e Tatimeve njofton se rubrika “vërtetim page” në platformën e-Albania është përmirësuar dhe tashmë ofron funksionalitete më të avancuara për qytetarët.

Ndryshimi i ri, i publikuar në platformë, mundëson që informacioni mbi pagën të shfaqet jo vetëm për periudha mujore, por edhe për periudha vjetore, sipas kërkesës së individit për vërtetim.

Ky përmirësim i shërbimit u realizua për t’iu përgjigjur nevojave të qytetarëve dhe kërkesave të institucioneve që përdorin këtë dokument.

Falë këtij shërbimi elektronik, qytetarët mund të marrin në mënyrë online vërtetimin e pagës me vulë elektronike, me vlerë të plotë ligjore, duke e bërë më të lehtë dhe më të shpejtë procesin e administrimit të dokumenteve.