Kryeministrja e Letonisë, Evika Siliņa, u shpreh për mediet para fillimit të Samitit të Komunitetit Politik Evropian në Tiranë se, “Rusia nuk e dëshiron paqen në rajon”.

Silina tha se, “është shumë e rëndësishme për ne që të marrim këto 30 ditëarmëpushim pa kushte në Ukrainë, dhe mendoj se është e rëndësishme edhe për rajonin”.

Ajo tha se, “kemi 17 paketa sanksionesh për të cilat është rënë dakord”.

Siliņa nënvizoi se, “për fat të keq lufta e Rusisë vazhdon në Ukrainë kështu që e di që do t’i diskutojmë këto çështje dhe do të kërkojmë, pretendojmë armëpushimin pa kushte 30-ditor sepse e dimë që është e rëndësishme dhe Ukaina e do një gjë të tilllë”.

Ajo deklaroi se, “për fat të keq vetëm Rusia nuk do paqe në rajonin tonë, për rrjedhojë nëse nuk ndodh do të na duhet të biem dakord për sanksione të mëtejshme sepse vetëm kjo mund ta ndalë Rusinë”.

“Të gjitha vendet në Europë duan siguri për popujt e vet dhe shoqëritë e veta”, u shpreh Kryeministrja e Letonisë, Evika Siliņa.

Duke u ndalur në temat që do të diskutohen gjatë samitit, ajo tha se, “sot do të diskutojmë edhe çështje për migracionin e paligjshëm dhe për bashkëpunimin ekonomik që është një çështje e rëndësishme për Lituaninë dhe Shqipërinë. Kështu do ta përdorim këtë takim për një platformë të mirë për të gjithë udhëheqësit europianë”.