Sekretari i Përgjithshëm i Partisë Demokratike Flamur Noka ka shprehur vullnetin e tij me votë në zgjedhjet parlamentare që po zhvillohen sot në vend.

Noka theksoi në fjalën e tij se “sot është një ditë e madhe. Sot shqiptarët kanë mundësinë të vendosin me votën e tyre për ndryshimin”.

Noka bëri edhe një thirrje për çdo qytetar të këtij vendi.

“Dilni votoni. Fati juaj dhe i vendit tonë është në duart tuaja dhe të askujt tjetër. Masivisht në votime për të ndryshuar këtë realitet.

“Masivisht për të ushtruar verdiktin tuaj, të drejtën tuaj, masivisht, për të vendosur për qeverisjen e nesërme dhe për t’u shkëputur nga e sotmja dhe e kaluara 12 vjeçare e errët e Shqipërisë. Dilni në votime. Ndryshimi është në duart tuaja”, tha Noka.

Burimi ATSH