Kryeministri, njëherësh kreu i PS, Edi Rama thekson rëndësinë e votës së shqiptarëve në zgjedhjet e 11 majit, duke e cilësuar një moment historik për anëtarësimin e Shqipërisë në BE.

Në një status në rrjetet sociale, Rama fton qytetarët që të investojnë votën tek numri 5, tek Partia Socialiste për të siguruar një të ardhme europiane për Shqipërinë, duke vazhduar pa ndërprerje negociatat me Bashkimin Europian dhe duke përmbushur synimin për anëtarësimin e plotë të vendit në BE deri në vitin 2030.

Rama thekson se ky është një hap i rëndësishëm për të siguruar një të ardhme të sigurt për qytetarët shqiptarë, përfshirë mundësinë për të marrë pasaportën europiane për veten dhe familjen e tyre.

Ai bën thirrje që votuesit të përqendrohen tek kjo perspektivë, pa u ndikuar nga preferencat politike majtas apo djathtas.

“Me numrin 5 të Partisë Socialiste në fletën e 11 majit, ku çdo shqiptar e shqiptare do të duhet ta investojë votën për të vazhduar pa asnjë ndalesë a lëkundje negociatat me BE, anëtarësuar Shqipërinë në Bashkimin Europian, siguruar pashaportën europiane për vete e familjen, duke mos parë majtas e djathtas, po drejt, tek maja e Shqipërisë 2030 në BE”, shprehet Rama në postimin e tij.

Burimi ATSh