Gjatë vizitës së tij zyrtare në Mbretërinë e Marokut, ministri për Evropën dhe Punët e Jashtme, Igli Hasani ishte në Rabat ku pati takime me kryetarin e Dhomës së Përfaqësuesve, Rachid Talbi El Alami, presidentin e Senatit, Mohamed Ould Errachid dhe ministrin e Industrisë dhe Tregtisë, Ryad Mezzour.

Në takime u riafirmua angazhimi i përbashkët për të thelluar bashkëpunimin dhe eksploruar mundësitë e shumta në fusha si turizmi dhe kultura.

“Të dyja palët ndajnë të njëjtin vizion për të punuar më shumë ngushtësisht në mbështetje të stabilitetit, demokracisë dhe prosperitetit, si në rajonet tona respektive, ashtu edhe më gjerë”, theksoi Hasani.

Ministri Hasani u shpreh mirënjohës për mikpritjen e ngrohtë dhe frymën e lartë të partneritetit që e bëri këtë vizitë me të vërtetë produktive.

Burimi ATSH