Në tregun e këmbimit valutor vendas, të mërkurën leku forcoi pozitat në raport me dollarin amerikan, krahasuar me një ditë më parë, ndërsa humbi terren me euron.

Sipas kursit zyrtar të Bankës së Shqipërisë, dollari amerikan këmbehet me 94,35 lekë ose 0,19 lekë më pak dhe euroja u forcuan me 0,07 lekë, duke u kuotuar në vlerën e 99,06 lekëve.

Paundi britanik këmbehet me 119,33 lekë, ose 0,05 lekë më shumë se ditën e martë dhe franga zvicerane u ngjit me 0,03 lekë dhe këmbehet me 105,48 lekë.