Në kuadër të “Javës kundër Diskriminimit”, Komisioneri për Mbrojtjen nga Diskriminimi Robert Gajda zhvilloi sot një takim informues me qytetarët dhe shoqërinë civile në Kukës.

Në këtë takim ishin të pranishëm përfaqësues të Bashkisë, zyrës së Këshillit të Evropës në Tiranë dhe Avokatit të Popullit.

Gjatë ndërgjegjësimit të komunitetit u diskutuan edhe aspekte të ndryshme që kanë të bëjnë me të drejtat dhe liritë themelore të njeriut, si dhe rolin e rëndësishëm të Komisionerit në sigurimin e mbrojtjes së këtyre të drejtave.

Ky aktivitet zhvillohet në bashkëpunim me projektin e përbashkët të Bashkimin Evropian dhe Këshillin e Evropës “Fuqizimi i mbrojtjes nga Diskriminimi në Shqipëri”, me mbështetjen e programit të Instrumentit Horizontal III.

Synimi i “Javës kundër Diskriminimit 2025” është të rrisë ndërgjegjësimin dhe të forcojë bashkëpunimin e aktorëve të ndryshëm në mbrojtjen e të drejtave të njeriut.

Burimi ATSH