Presidenti i Kinës Xi Jinping ritheksoi të premten nevojën për t’i dhënë përparësi me vendosmëri ruajtjes ekologjike dhe zhvillimit të gjelbër, gjatë një vizite inspektimi në qytetin Ulanqab të Rajonit Autonom të Mongolisë së Brendshme.

Kreu i shtetit i Kinës vuri në dukje nevojën për të koordinuar zhvillimin me cilësi të lartë me mbrojtjen mjedisore me standarde të larta. Ai bëri thirrje për mbrojtje të integruar dhe qeverisje sistematike të mjedisit natyror, përfshirë malet, ujërat, pyjet, tokat bujqësore, liqenet, kullotat dhe shkretëtirat, duke ulur emetimet e karbonit, duke frenuar ndotjet, duke shtuar gjelbërimin krahas rritjes ekonomike si dhe duke mbetur të palëkundur në rrugën që i jep përparësi ekologjisë dhe zhvillimit të gjelbër.

Foto nga Xinhua

Foto nga Xinhua

Foto nga Xinhua

Gjatë inspektimit, presidenti Xi vizitoi rezervatin natyror të liqenit Huangqihai, rajonin e teknologjisë së lartë të Chaharit, për t’u njohur nga afër me zhvillimin vendor në mbrojtjen natyrore, në ekonominë digjitale dhe në rritjen e mirëqenies së banorëve.

Ai theksoi se krahina të ndryshme të vendit kanë kushte me ndryshime të mëdha, ndaj autoritetet lokale duhet të zbatojnë si duhet strategjinë e planifikimin e paracaktuar, duke çuar përpara zhvillimin me cilësi të lartë në bazë të realitetit përkatës dhe të shfrytëzimit të epërsive të tyre.

Burimi CGTN