Programi i Ministrisë së Arsimit dhe Sportit, “Toka në Shkollë”, mbështet zhvillimin e aftësive të nxënësve për kultivimin e kulturave bujqësore.

Në një postim në rrjetet sociale, ministrja e Arsimit dhe Sportit, Ogerta Manastriliu ndau momente nga kujdesi që nxënësit e shkollës “Vaçe Zela” kryejnë çdo ditë për bimët e mbjella në kopshtin e shkollës.

“I krijuar në kuadër të programit “Toka në Shkollë” nxënësit përmes përvojës praktike, ata mësojnë të kujdesen për natyrën duke mbjellë, rritur dhe korrur prodhime të freskëta”, tha Manastirliu.

“Toka në Shkollë” është një iniciativë e Ministrisë së Arsimit dhe Sportit, e shtrirë në disa shkolla në mbarë vendin ku nxënësit tanë jo vetëm zhvillojnë aftësi praktike dhe marrin njohuri mbi bujqësinë, por edhe ndërgjegjësohen për rëndësinë e mjedisit dhe ushqyerjes së shëndetshme.

Gjithashtu ky program synon të zhvillojnë aftësitë praktike për kultivimin, me synim lidhjen e fëmijëve dhe të rinjve me natyrën dhe traditat, si një mjet për edukimin mjedisor dhe jo vetëm.

Burimi ATSH