Ambasadorja e Jashtëzakonshme dhe Fuqiplotë e Republikës së Shqipërisë në Republikën e Bullgarisë, Inid Milo vizitoi Universitetin e Pyjeve të Sofjes, me ftesë të Rektorit të Universitetit, Hristo Mihaylov.

Në axhendën e takimit ishin marrëdhëniet aktuale dypalëshe në veprimtaritë shkencore dhe arsimore mes dy vendeve.

Mihaylov e informoi Milon për aktivitetet e Universitetit, i cili sot mëson studentë nga më shumë se 25 vende, përfshirë edhe Shqipërinë.

Deri më tani, studentët shqiptarë kanë marrë pjesë me studentë bullgarë në shkëmbimet Erasmus.

Kontaktet aktuale janë kryesisht në fushën e mjekësisë veterinare.

Theks i veçantë u vu në synimin e Mihaylovit për të krijuar një rrjet të unifikuar ballkanik lidhur me shëndetin e kafshëve dhe njerëzve si një urë marrëdhëniesh midis qarqeve shkencore dhe arsimore.

Mihaylov ftoi Universitetin e Tiranës që të bashkëpunojë për zgjerimin e këtij rrjeti.

Ambasadorja Milo nga ana e saj theksoi se ”po merrej me organizimin e një takimi mes Mihaylovit dhe Artan Hoxhës, rektor i Universitetit të Tiranës”.

Të dyja palët ranë dakord se nevojiten më shumë projekte të përbashkëta në shkencë dhe arsim